As do Casares en Canadá 1x5rx

AS VOCES QUE QUEDARON FÓRA Hoxe temos un episodio un pouco especial. Fai un tempo que queriamos colaborar co @edlg_iescarloscasares (Equipo de Dinamización Lingüística do IES Carlos Casares) e inda que se nos pasaron un pouco os días, queriamos agradecer que estivera aí sempre para darnos info cando lla pedimos! Por que este capítulo é diferente? Aproveitamos que este ano o Día das Letras Galegas está dedicado as cantareiras e tradición oral, para dar voz a toda a xente que leva vivindo aquí en Canadá milleiros de anos: os pobos Indíxenas nativos (first nations) e Métis. Escoitade o podcast para descubrir só unha pequena parte desta historia contada humildemente por nós, coa intención de tentar darlles voz a estas linguas e tradicións tristemente descoñecidas. Kitaakitomattsino, Nmu’ltes, Ata pronto! Música: Morgan Toney “Mi’kmaq Honour Song” Calvin Vollrath “Red River Jig” Métis Style Fiddle Olivia Tailfeathers “Aihpiyiw” A Banda da Balbina “O Retornado” Javier Krahe “Canada Canada”

Ola a tod@s, neste episodio, As do Casares estamos reunidas en PEI! Como Laura, este ano que está en Alberta, quere visitar e descubrir outros lugares de Canadá, aproveitou para coñecer a Illa de Prince Edward e usar a Antía como guía por unha fin de semana. Neste episodio contámosvos o "turismo" que fixemos, e algunhas anécdotas como a "mariscada" canadiense ou a pesca do lumbrigante. Seguro que vos botades unhas risas!! Música: A Banda da Balbina "O Retornado" Javier Krahe "Canada Canada"

Saímos na Voz de Galicia!! Enlace á nova: https://www.lavozdegalicia.es/noticia/vigo/2025/04/27/dos-viguesas-podcast-canada/0003_202504V27C4991.htm Neste episodio 11 contámosvos o que fixemos nesta última semana: Laura visitou Head-Smashed-In Buffalo Jump (un sitio en Alberta onde os indíxenas cazaban bisontes) e un lago que fai fronteira entre Canadá e EEUU. Antía fala do Setting Day, cando celebran que se abre a veda do lumbrigante en Prince Edward Island e todos os barcos saen dos portos. Ata había gaitas!! Comeza a chegar a primavera... e hai cachorros de raposo e lebres que xa son multicolores cambiando a pelaxe. Respecto ao instituto, Laura tivo outro simulacro de lockdown e Antía fixo o Student Vote, porque o 28 de abril foron as eleccións canadienses. Música: A Banda da Balbina "O Retornado" Javier Krahe "Canada Canada"

Xa temos 10 episodios!!! Hoxe falámosvos de comida canadiense: cousas típicas e outras que non o son tanto... pero que nos chamaron bastante a atención. Escoitádeo para rirvos un pouco e descubrir algúns platos canadienses. Deixámosvos un avance: o prato nacional chámase "Poutine". Música: A Banda da Balbina "O Retornado" Javier Krahe "Canada Canada"

Hoxe falámosvos dalgunhas datas que foron importantes este pasado marzo en Canadá. A celebración do St. Patricks, o eclipse de lúa, e unha tradición peculiar que teñen nas provincias canadienses "Maritimes" o martes de Entroido. Compartimos tamén a nosa experiencia cos deportes no instituto (e o importantes que son aquí), con perspectivas de entrenadora e de xogadora! Por último, unha mención ao 8M, que aínda que sí que o celebran, non é o que esperabamos nin o que estamos acostumadas. Esperamos que vos guste, e recordade seguirnos no instagram @asdocasaresencanada e ver as fotos e vídeos deste episodio!! Música: A Banda da Balbina "O Retornado" Javier Krahe "Canada Canada"

Neste episodio 8 actualizámosvos de que tempo estamos tendo estes últimos días... entre o chinook en Calgary e o mar que se conxela en Souris. Xa que falamos de meteoroloxía pasamos tamén as auroras... un espectáculo pero case só nas fotos. E por último falamos da importancia do traballo e voluntariado segundo as nosas experiencias canadienses. Música: A Banda da Balbina "O Retornado" Javier Krahe "Canada Canada"

Aproveitando que por aí xusto estivéchedes co Entroido, neste episodio facémosvos un resumo das celebracións e festas que vivimos en Canadá. Falámosvos de Acción de Gracias (ou Thanksgiving), de Halloween (o Entroido canadiense), de Nadal e tamén de San Valentín. Música: A Banda da Balbina "O Retornado" Javier Krahe "Canada Canada"

Neste episodio contámosvos cómo é comezar o segundo semestre de clases para Antía (e como se mantén igual para Laura). Aproveitando que unha das novas asignaturas de Antía é francés, falamos das nosas impresións con esta lingua en Canadá, un concepto diferente de país bilingüe.... Por último non vos perdades o sistema de medidas que usan, unha mistura entre varios! Qué é iso de fornos a 450º ? Música: A Banda da Balbina "O Retornado" Javier Krahe "Canada Canada"

Hoxe contámosvos unha das cousas que máis nos chama a atención vivindo aquí: a idade á que se comeza a conducir. Moitos dos adolescentes de 16 e 17 anos xa teñen coche propio, e agúns incluso antes... Pero por exemplo o alcol é a partir dos 19 e non se pode mercar dentro dos supermercados normais. Tamén falamos dunha das drogas recentes que é o Fentanilo. Escoitade o episodio porque volo explicaremos mellor e podedes ver as fotos no instagram @asdocasaresencanada! Esperamos que vos guste Música: A Banda da Balbina "O Retornado" Javier Krahe "Canada Canada"

Neste episodio (ademais de actualizarvos de como foi ese primeiro "frío canadiense" en Prince Edward Island, do que falábamos a semana pasada) imos contarvos qué animais vimos por estas terras. As fotos das que falamos e os vídeos das cámaras de fototrampeo os teredes, coma sempre, no instagram @asdocasaresencanada. Esperamos que vos guste! Música: A Banda da Balbina "O Retornado" Javier Krahe "Canada Canada"

Hoxe contámosvos unha pequena parte de como estamos vivindo estes meses máis fríos en Souris (Prince Edward Island) e en Calgary (Alberta). Antía conta que aínda non fixo demasiado frío, mentres que Laura xa estivo máis dunha semana coa máxima baixo 0!! Escoitádenos 10 minutos e non vos perdades estas anécdotas divertidas! Tedes as fotos e vídeos do espisodio no instagram @asdocasaresencanada Música: A Banda da Balbina "O Retornado" Javier Krahe "Canada Canada"

No segundo episodio imos comezar a contarvos algunhas cousas que nos sorprenden dos institutos canadienses. Antía está estudando nun highschool e Laura da clase nun middle school. Para coñecer un pouco máis escoitádenos estes 10 minutos! Recordade que podedes ver as nosas fotos no instagram @asdocasaresencanada Música: A Banda da Balbina "O Retornado"

Neste primeiro episodio imos presentarnos por se nos escoita alguén que non é do IES Carlos Casares, que xa nos coñecen, pero inda con esas, dar unha idea de onde estamos cada unha, por que estamos aquí e cal é a nosa situación. Esperamos que vos guste. Recordade ver as nosas fotos deste episodio no instagram @asdocasaresencanada Música: A Banda da Balbina "O Retornado"